【丹麥專訪】 剩食人人爭住買？(一）
- 2016年3月20日
- 讀畢需時 2 分鐘
Wefood雖不在市中心／傳統左翼社區，但記者所見人流甚多，顧客以學生、年輕家庭、退休人士為主。
當你覺得剩食一定係次貨、賣剩蔗、「送俾我都唔要」，丹麥哥本哈根卻開了全球第一間專賣剩食超市「Wefood」，減少食物浪費。超市上月開幕至今，每日未開門已見人龍，記者遲半小時到達，新鮮蔬果差不多已被掃清！惟有轉戰乾貨和急凍食物，喜見有機朱古力fondue、意大利麵包條等，質素和一般超市無異，價錢卻平三成至一半左右，簡直是窮人恩物！
究竟好地地為何淪為剩食？
所謂「剩食」
Wefood食物日日不同，視乎當日供應商或超市有乜唔要，有如尋寶般驚喜！除了過期食物，記者留意到好些根本未過期，或看起來完好無缺，不似是醜蔬果之類的次貨，一問之下，它們被遺棄的理由大概會嚇你一跳。Wefood統籌Jane舉例道：「之前我們收過一批靚橙，原本用來榨汁，但因太大fit唔落部榨汁機度，結果轉送給我們。」為何不索性原個橙出售？「可能生產商和超市已deal好批橙用途係榨汁，直接賣要做額外手續吧。」那未過期的食物呢？「以凍肉為例，生產商需在食用限期前60日出貨，確保超市有足夠時間出售。少過60日的話，生產商便不能售予超市，於是送到這裡，貪我們去貨去得快，也不像連鎖超市般需時運輸、上架等。」
(左）Fastelavn Bun 衰out咗!
節慶食物最易變剩食，連邪惡的奶油甜品都冇人要。
(右）薑啤 衰太懶！
生產商不想動用人手分類已過期和未過期的批次，便一併送走所有薑啤。
(左）半烘焙麵包 衰太軟！ 本供予超市麵包部，但分量出錯，麵糰比平時軟，超市又懶得烘多兩分鐘。
(右）麵包條 衰到期！ 採訪當日到期的麪包條，就算唔即日食都可擺多一陣。
留言